თურქული სერიალები - გზაჯვარედინი საქართველოსა და თურქეთს შორის?

თურქული სერიალები ეს არის თათრების ახალი გამარჯვება ქართველებზე. ქართველი ვაჟკაცების შეუჩერებელი ბრძოლა მათ წინააღმდეგ მათთვის სასურველ შედეგს ვერასდროს ვერ იღებდა.

ახლა კი ხერხი იხმარეს და გადავიდნენ სიმბოლურ ბრძოლაზე სადაც ბრძოლობს არა ფარი და მახვილი, არამედ სარწმუნოება და რელიგიური იდეალები. ქართველები ნელ-ნელა ეჩვევიან მათ ტრადიციებს და ითვისებენ. რაც ნამდვილად არ არის პასუხი ჩვენი წინაპრების დაღვრილ სისხლზე თურქებთან ბრძოლაში...

უკვე კარგა ხანია რაც ესპანური და ლათინოამერიკული თურქულმა ჩაანაცვლა. თვით ენა - თურქული, საკმაოდ პოპულარული და შესწავლადი გახდა.

რა არის ამის მიზეზი: ქართველების დაინტერესება ასე თურქეთის მიმართ?

ბევრი დიასახლისი თურქულ სერიალს აღიქვამს, როგორც გზაჯვარედინს საქართველოსა და თურქეთს შორის. ოჯახის წევრებთან დამაკავშირებელ გზას, რომლებიც თურქეთში ლუკმა-პურის საშოვნელად არიან გადახვეწილნი. ყველას აინტერესებს თუ როგორ ცხოვრობენ იქ, რა ატმოსფეროში.

ხოლო ნაწილი კი ამას უსაქმურობის გამო, დროის გაყვანის მიზნით აკეთებს.

უკვე ყოველ მეორე ადამიანს აწერია პირზე „სავაშ ბალდარი“ –  „მურატ ილდიმირი“, რომელსაც ქართველები დიდი სიყვარულით დახვდნენ თბილისში. მურატიც აღტაცებით შეხვდა ამ ამბავს. მსახიობი, რომელიც საკუთარ ქვეყანაში ნაკლებად ცნობილია, საქართველოში ის აღიარებულია, როგორც მანდილოსნების სიმპათია.